Pas gati tre orësh, ka përfunduar takimi mes kryeministrit të Kosovës, Albin Kurtit dhe kryetarit të Partisë Demokratike të Kosovës, Bedri Hamzës. Kur kanë mbetur vetëm tre ditë kohë për zgjedhjen e presidentit të ri, nuk u arrit marrëveshje mes palëve. Bedri Hamza përsëriti që kërkon fillimisht miratimin e projektligjit për plotësim ndryshimin e Ligjit për Dhomat e Specializuara. Kërkesa e PDK-së është aprovimi i ligjit në të dy leximet. Aprovimi final. Pastaj Partia Demokratike është e gatshme që në të njëjtën ditë, në seancën e radhës me bisedu, me gjetë zgjidhjen për presidentin dhe t'i japim votat për presidentin. Hamza pas takimit të dytë në dy ditët e fundit me Kurtin, nuk u tregua optimist sa i përket mundësisë së arritjes së një marrëveshjeje. Bisedat i kemi përfunduar, janë edhe disa ditë ku kemi mundësi me arrit marrëveshje. Nuk e di a do të ndodhë marrëveshja