Vetëm 10 ditë në krye të federatës shqiptare të atletikës, Taulant Stërmasi është në kulmin e vrullit për aktivitetet kombëtare dhe ndërkombëtare që duhet të zhvillojë ky sport. Paralelisht me kampionatet ballkanike apo lojërat olimpike europiane dhe kampionatet kombëtare për të rinj dhe të rritur, një nga domosdoshmëritë kryesore aktuale për të është rivitalizimi i këtij sporti në numra trajnerësh dhe sportistësh.