Teksa viti 2025 po shkon drejt mbylljes, ekonomia shqiptare raporton sërish rritje të qëndrueshme, në rreth 3.5% një shifër që në pamje të parë sugjeron stabilitet dhe rezistencë ndaj tronditjeve të jashtme. Megjithatë, pas numrave pozitivë fshihet një pyetje thelbësore: kush po e prodhon realisht këtë rritje dhe sa e qëndrueshme është ajo? Një analizë e detajuar mbi treguesit kryesor të PBB vë në dukje se një peshë gjithnjë e më e madhe po vjen nga shteti, përmes shpenzimeve buxhetore dhe të ardhurave fiskale, ndërsa kontributi i sektorëve prodhues mbetet i dobët. Administrata publike dhe taksat neto po japin një rol të rëndësishëm në rritje, në një kohë kur industria dhe bujqësia vazhdojnë të frenojnë ekonominë. Nëse nga rritja totale e vitit 2024 përjashtohet kontributi i shtetit, rritja reale bie në rreth 2%, niveli më i ulët në më shumë se një dekadë. Ndërkohë, sektorë kyç si bujqësia, industria përpunuese dhe ajo nxjerrëse vazhdojnë të japin kontribute negative për të tretin vit radhazi, duke sinjalizuar probleme të thella strukturore, investime të pamjaftueshme, kosto të larta dhe mungesë të fuqisë punëtore. Nga 3.5%-3.7% është ky parashikimi që instiucionet ndërkombëtare mbajnë për Shqiëprinë për vitin e ardhshëm, ndërsa sugjerojnë që më shumë reformat të përfshijnë sektorët për t ëluftuar papunësinë dhe mungesën e fuqisë puëntore.