Irani ka pezulluar bisedimet me SHBA-në në shenjë proteste ndaj sulmeve të Izraelit në Liban, të cilat Teherani i cilësoi shkelje të armëpushimit. Ky zhvillim vjen pas urdhrit të kryeministrit izraelit për të goditur periferitë jugore të kryeqytetit të Libanit, Bejrut, ndërsa konflikti me grupin e armatosur Hezbollah të mbështetur nga Irani përshkallëzohet. "Objektivat terroriste" në fortesën e Hezbollahut në Dahieh do të goditen në përgjigje të sulmeve të tij me raketa dhe dronë ndaj civilëve izraelitë dhe shkeljeve të tjera të një armëpushimi të shpallur në prill që nuk ka arritur t'i japë fund luftimeve, u shpreh Benjamin Netanyahu. Një situatë kaotike me trafik të rënduar dhe rrugë të bllokuara u raportua pas njoftimit teksa qindra familjare përpiqeshin të zhvendoseshin drejt një vendi më të sigurt. Agjencia Kombëtare e Lajmeve shtetërore të Libanit raportoi për shtatë viktima, ndërkohë ushtria izraelite njoftoi se një ushtar u vra në luftime. Ndërkohë, Shtëpia e Bardhë vazhdon të ushtrojë presion mbi Izraelin që të kufizojë veprimet ushtarake në Bejrut, raporton BBC, për të shmangur rrezikimin e përpjekjeve për të arritur një marrëveshje më të gjerë për t'i dhënë fund luftës midis SHBA-së, Izraelit dhe Iranit.