Nga nesër, Italia pret rikthimin e anticiklonit afrikan që do t`i bëjë temperaturat në jug të shkojnë sërish në 40 gradë, e ato në veri, të kapërcejnë 37 gradët. Por metereologët paralajmërojnë se përplasja e masave ajrore mund të shkaktojë stuhi breshëri e shtrëngata të fuqishme. Moti i keq mund të godasë rajonet perendimore alpine e të enjten të zhvendoset edhe në Milano e Torino. Ndërkohë, pjesa të tjera të vendit do të bëjnë llogaritë me vapën mbytëse, që do të përflakë termometrin në Puglia e Basilicata apo Catania. Një tjetër valë të nxehti pritet të përfshijë sakaq disa zona të Shteteve të Bashkuara Kanadasë. Javën që shkoi, qyteza e vogël kanadeze Lytton theu për tre ditë rresht rekordin e nxehtësisë në vend, kur shënoi 49,6 gradë Celsius. Disa ditë më vonë, ajo u dogj në pjesë të madhe nga themelet teksa zjarret e fuqishme pyjore rreth e qark bënë që zona të mbulohej nga shtëllunga gjigande tymi. Tani, jugperëndimi i Kanadasë dhe rajonet perëndimore të Shteteve të Bashkuara përgatiten për një tjetër valë përvëluese të nxehti, që mund t`i sfidojë sërish rekordet e t`-i cojë në 54 gradë Celsius temperaturat në Death Valley të Kalifornisë.