Republikani Glenn Youngkin, fitoi zgjedhjet për postin e guvernatorit të Virxhinias, duke i shkulur kështu Joe Bidenit kontrollin e një vendi ku ai vetëm një vit më parë triumfoi mbi Donald Trump. Youngkin mposhti demokratin Terry McAuliffe, duke siguruar 51 për qind të votave kundrejt 48 për qind të marra nga McAuliffe. Këto zgjedhje u kthyen në njërën prej garave më të ndjekura në nivel kombëtar si tregues i mundshëm për zgjedhjet e e mesmandatit për Kongresin, që mbahen vitin që vjen. Demokratët kanë një shumicë të ngushtë si në Dhomën e Përfaqësuesve ashtu edhe në Senat dhe humbja e kontrollit të njërës ose të të dyjave vitin e ardhshëm do ta bënte më të vështirë për presidentin demokrat Joe Biden të ndjekë agjendën e tij legjislative. në Virxhinia, republikanët nuk e fitonin me postin e guvernatorit të Virxhinias që nga viti 2009. McAuliffe kishte një epërsi në anketat e zhvilluara në muajt para votimeve. Por, kjo përparësi u ngushtua në kohën kur edhe presidenti Biden pësoi rënie të mbështetjes.Sipas një ankete të agjencisë se lajmeve Associated Press, rreth një e treta e votuesve në Virxhinia thanë se ekonomia ishte çështja kryesore, pasur nga 17 për qind që thanë se shqetësimi kryesor ishte pandemia e koronavirusit dhe 14 për qind që renditën arsimin si çështjen kryesore.