Projekti i Opën Balkan po cohet përpara nga Shqipëria dhe Serbia, pavarësisht mungesës së Kosovës, Malit të Zi dhe Bosnjë Hercegovinës. Ditën e mërkurë dhe të enjte kryeminstri Edi Rama do të zhvillojë një vizitë zyrtare në Beograd. Opën Balkan nuk u lëkund as nga zhvillimi i papritur në Maqedoninë e Veriut që pa të largohej nga tryeza një partner si Zoran Zaev. Mësohet se pas dorëheqjës si kryeministër dhe kryetar partie, Zoran Zaev nuk do të udhëtojë drejt Serbisë dhe Maqedonia e Veriut do të përfaqësohet nga zëvendëskryeministri Nikolla Dimitrov. Për të vënë në jetë nëpërmjet Opën Balkan liritë e bashkimit europian të lëvizjës së lirë të njërzve mallrave dhe kapitaleve, në axhendën e ditës së enjte do zhvillohte takimi i Këshillit të Atlantikut me përfaqësues biznesi dhe ministrat e linjës të Shqipërise, Maqedonisë së Veriut, dhe Serbisë. Në orën 9 do të zhvillohet takimi i liderëve bashkë me përfaqësues të 15 kompanive nga Shqipëria, Maqedonia e Veriut dhe Serbia, që synon lehtësimin e tregtisë dhe lejeve të punës mes këtyre vendeve. Të enjten në orën 10 e 30 do të zhvillohte një takim mes liderve të tre vendeve që do të pasohet me konferencën për shtyp në orën 11 e 30.