E përditshmja britanike “The Guardian” në një analizë dedikuar negociatave SHBA-Iran dhe prapaskenave që po luhen prej disa ditësh, ka zbuluar detaje të reja mbi kërkesat e ndryshuara të Teheranit dhe mbi dilemat që ka pasur së fundmi Donald Trump. Sipas “The Guardian” kontrolli i Teheranit mbi ngushticën e Hormuzit i vendos ata në një pozicion relativisht të fortë në të ardhmen, pavarësisht se ekonomia e vendit po vuan shumë nga lufta. Kërkesat negociuese të Iranit janë: një armëpushim në Liban, përfshirë tërheqjen e forcave izraelite dhe zhbllokimin e gjysmës së aseteve të ngrira të Iranit, pra rreth 12 miliardë dollarë. Ky ëhstë ndryshimi i vetëm, i orëve të fundit, duke kërkuar vetëm zhbllokimin e gjysmës së aseteve. Teherani ka kërkuar sërish një formë menaxhimi iranian mbi ngushticën e Hormuzit; dhe diskutime të hollësishme më vonë rreth mënyrës se si do ti sigurojë Shteteve të Bashkuara se nuk po kërkon një armë bërthamore, duke përfshirë edhe përzierjen e rezervave të saj të uraniumit shumë të pasuruar.