Emisioni më i ndjekur shqiptar “Për’puthen” vazhdoi turin e saj në qytetin e Tetovës. Një numër i madh simpatizantësh pritën organizatorët dhe protagonistët e emisionit më të ndjekur në Shqipëri në Qendrën për Kulturë “Ilo Anteski Smok”. Brohoritjet dhe entuziazmi shoqëruan gjatë gjithë kohës protagonistët, me fansat e tyre që vraponin për një takim dhe më pas krijuan radhë të gjata për të hyrë në audicione. Si në çdo qytet tjetër ku janë zhvilluar audicione, kanë qenë të shumtë ata që kanë ndjekur çdo puntatë të “Për’puthen” dhe që kërkojnë shancin e tyre për të gjetur dashurinë në ekranin më të madh televiziv shqiptar. “Përputhen on Tour”ka zhvilluar audicione të hapura në qytetet më të mëdha në Shqipëri, Kosovë, Maqedoni dhe Malin e Zi dhe ky i Tetovës ishte edhe i fundit i këtij lloji.