Përfaqësuesja kuqezi ka zhvilluar e plotë seancën stërvitore pasditen e së martës, ku kanë mbërritur thuajse të gjithë lojtarët që ishin me vonesë apo u ndryshuan pas grumbullimit të parë si rasti I Uzunit. Lojtarët kanë zhvilluar një seancë stërvitore pjesërish të përbashkët me disa nga lojtarët e kombëtares U21 për të plotësuar mungesat. Jasir Asani ka mbërritur gjithashtu paraditen e sotme dhe ka zhvilluar një seancë stërvitore të vecuar dhe më të lehtë për shkak të udhëtimit të gjatë, po ashtu edhe mborjtësi Mario Mitaj I shumëpërfolur këto dytë ditë për transferimin në Arabinë Saudite, ndërkohë që I vetmi lojtarë që pritet të vijë është Enea Mihaj që me sa duket do të jetë I fundit që I bashkohet grupit mbërmjen e sotme. Kombëtarja do të zhvillojë të mërkurën dy seanca stërvitore e plotë me të gjithë lojtarët dhe menjëherë me skemat dhe taktikat që trajneri ka menduar për ndeshjen e 7 shtatorit ndaj Ukrainës në Ceki. Seanca e paradites do të jetë me dyer të mbyllura ndërkohë që pasdite vetëm pak minuta do të jetë e hapur stërvitja më pas do të vazhdojë e mbyllur me përgatitjen e sfidës. Përfaqësuesja shqiptare do të niset më 5 shtator drejt Cekisë për ndeshjen e parë të Ligës së Kombeve ndërkohë që do të khethet menjëherë pas takimit me Ukrainën në Tiranë pasi më 10 shtator do të luhet ndeshja e dytë, ajo ndaj Gjeorgjisë në stadiumin Arena Kombëtare të kryeqytetit, takim që do të përmbyllë ndeshjet e shtatorit për kombëtaren tonë sa I përket Ligës së Kombeve.