Një zjarr ka përfshirë një banesë në lagjen 12, në zonën e quajtur Çezma e Amzës, në Korçë. Flakët kanë përfshirë banesën dhe për pasojë mësohet se ka humbur jetën një person. Policia dhe ambulanca kanë mbërritur menjëherë në vendngjarje, ndërsa forcat e zjarrfikëses po bëjnë të mundur shuarjen e zjarrit. Mësohet se brenda në banesë ndodheshin katër persona, tre prej të cilëve kanë mundur të dalin prej aty, ndërsa njëri prej tyre ka mbetur brenda dhe është gjetur pa shenja jete nga zjarrfikësit. Top Channel ka mësuar edhe identitetin e viktimës, ai është Vasil Dolani.