120 kompani shqiptare për herë të parë organizuan në Athinë panairin e punës me moton “Puno dhe jeto aty ku ke zemrën” duke ftuar emigrantët tanë për tu kthyer në atdhe. I shoqëruar nga disa ministra kryeministri Edi Rama vizitoi këtë panair duke bashkëbiseduar me përfaqësuesit e bizneseve e u interesuar çfarë pagash ofrojnë. Mor pjej tyre mesazhin e nevojës për fuqi punëtore në shumë sektorë. RAMA ME BIZNESET. “Jemi kompani e vajit të ullirit. Kemi ardhur me një ofertë komplete për fuqi punëtore. Ne realisht kemi nevojë për fuqi punëtore. Këtë vit mund të përpunonim 20% më shumë të produktit të ullirit, por për shkak të mungesës së fuqisë punëtore, ulliri ngeli i pavjelë dhe ne kemi dalë me kosto më të lartë. Pagat i kemi rritur.” Gjatë bashkëbisedimit me përfaqësuesit e bizneseve dhe shqiptarët e Athinës kryeministri u shpreh se kur ne morëm detyrën kishte 117 mijë subjekte biznese, sot ka 250 mijë. Theksoi se askush nuk kishte kurajon të mendonte se sot paga mesatare në sektorin publik do të shkonte 930 euro. EDI RAMA- “Kemi ardhur këtu për të hapur një traditë dhe dua t’iu them që ky panair i parë në Athinë do të pasohet nga panairi i dytë në vjeshtë, do të vijmë përsëri dhe do të jemi këmbëngulës sepse të 120 kompanitë që kanë ardhur këtu sot ofrojnë vende pune dhe paga më të mira se sa pagat që fitojnë në të njëjtat vende pune këtu në Greqi. Dhe sot të gjithë ata që e kanë ndjekur dhe e ndjekin Shqipërinë nga kanalet e kënetës, ku vazhdon zhurma e bretkosave që në Shqipëri 200 mijë lekë, 300 mijë lekë të vjetra, mund të shohin në fakt në sektorin e turizmit dhe para se të hyja këtu po flisja me dikë që punon këtu, sanitare në një hotel ku për 21 dhoma që kishte në përkujdesje merrte 850 euro, ndërkohë që një sanitare për 6 dhoma në bregdetin e Shqipërisë merr 950 euro”. Natyshëm klima elektorale dhe çështjet e drejtësisë, kryefjalë e politikës shqiptare mbërritën prej Ramës edhe në Athinë.