‘Lufta e ftohtë’ mes aktorëve Jul Deda dhe Ermal Mamaqi, dikur miq të ngushtë, vijon ende në rrjetet sociale. Jul Deda ironizoi në mënyrë indirekte trajnimet dhe videot motivuese të ish-kolegut të tij në një video të bërë disa muaj më parë. Ai ironizoi personazhet që ndesh në rrjetet sociale, e që krijojnë trajnime e video motivuese, duke u shprehur se këta lloj njerëzish po ia shpifin dhe se janë shtuar shumë ditët e sotme. Por, kjo deklaratë është konsideruar një thumb për ish-kolegun e tij Ermal Mamaqin, i cili prej kohësh zhvillon trajnime e konferenca për zhvillimin personal. Aktori është aktiv edhe në rrjetet sociale, ku shpesh ndan video motivuese e këshilluese për ndjekësit e tij. Ermal Mamaqi ka reaguar për herë të parë lidhur me deklaratat e Dedës. Në një video në rrjetet sociale, ndërsa mbante një puro në duar, Mamaqi shprehet se mesazhet e tij në mënyrë indirekte për personazhet në përgjithësi janë pikërisht për të. Sipas Ermalit, Jul Deda është mërzitur me Ermalin pas një mesazhi në BBV, kur Juli ishte konkurrent.