Është çelur mbrëmjen e të shtunës festivali Folklorik Kombëtar i Gjirokastrës. Një nga ngjarjet kjo më të rëndësishme kulturore në vend që ka bërë bashkë ngjyrat e bukura të folklorit shqiptar. Nën simbolikën e valltarëve të lidhur dorë për dore, festivali kombëtar nisi në Kalanë e gurtë, duke risjellë pas 8 viteve ndërprerje motivet, ritmet, këngët e vallet e gjithë krahinave të Shqipërisë. Artistë popullor, artizanë si dhe artdashës të të gjitha moshave u mblodhën në kalanë e qytetit për të shijuar një nga eventet më të mëdha të muzikës dhe valles tradicionale shqiptare. Eventit folklorik iu bashkua dhe kryeministri Edi Rama, së bashku me bashkëshorten e tij, Linda Rama por dhe Ministrja e Kulturës, Elva Margariti. Festivalin Folklorik e hapi grupi I Kukësit, më pas vijoi Ansambli Shtetëror Shqiptar I Maqedonisë që I la radhën grupit të beratit. Festivali I Gjirokastrës do të vijojë për 8 net ndërsa hyrja do të jetë falas për të gjithë ata që do I bashkohen.