Jennifer Lopez ka një truproje të re, e cila nuk ishte pjesë e ekipit të saj kur u martua me Ben Affleck. Të enjten në Londër diva e muzikës u pa duke u kapur për dore me një djalë të ri bjond që dukej se ishte me origjinë skandinave. Ylli 55-vjeçar buzëqeshi teksa po dilte nga mjeti luksoz, ku edhe pse takat e saj nuk ishin aq të larta, sërish truproja e mbante prej dore. Sa herë që është me Lopez, ai shihet me një xhaketë sportive gri me një spilë argjendi që lexon PG. “Ai është një shtesë e re në ekipin e saj të sigurisë, por nuk është i vetmi. Ajo ka disa roje sigurie rreth saj sa herë që del jashtë”, tha një burim për DailyMail.com. Lopez ka përdorur truproja për 25 vitet e fundit pasi fama e saj është rritur. Në të kaluarën ajo ka përdorur një ekip truprojesh izraelite dhe disa anëtare femra të sigurisë. Kanë kaluar pothuajse tre muaj që kur aktorja dhe këngëtarja bëri kërkesë për divorc nga bashkëshorti i saj Affleck, martesë që zgjati dy vite. a Jennifer Lopez dhe Ben Affleck, yjet e Hollivudit që rindezën romancën dhe u martuan dy dekada pas një ndarjeje të bujshme, u divorcuan pasi ajo dorëzoi kërkesën për ndarje në një gjykatë në Los Anxheles.