Agjentët e DEA-s në SHBA thonë se kanë kapur mjaftueshëm fentanil në vitin 2022 të aftë për të vrarë çdo amerikan. Dea thotë se ata kapën 379 milionë doza potencialisht vdekjeprurëse të fentanilit, që është vetëm dy miligramë. Substanca, e cila është 50 herë më e fuqishme se heroina, shihet si kërcënimi më vdekjeprurës në llojet e drogës me të cilin përballet SHBA. DEA thotë se ka sekuestruar më shumë se 4,500 kg fentanil, si dhe mbi 50.6 milion pilula fentanyl . Kjo është më shumë se dyfishi i asaj që autoritetet kanë kapur në 2021. Shumica e drogës u prodhua në masë në fabrikat sekrete në Meksikë nga kartelet e drogës Sinaloa dhe Jalisco, të cilat përdorin kimikate me burim në Kinë, tha agjencia. Substanca është aq e fuqishme, sa një dozë vdekjeprurëse krahasohet me majën e një lapsi. Më shumë se 100,000 amerikanë vdiqën nga mbidoza vitin e kaluar dhe dy të tretat e tyre kishin humbur jetën pas konsumimit të fentanilit. Përveç fentanilit, DEA ka sekuestruar gjithashtu 131,000 paund metamfetaminë, më shumë se 4,300 paund heroinë dhe mbi 444,000 paund kokainë. Pamjet: AFP