Departamenti amerikan i Drejtësisë publikoi pamjet filmike të cilat tregojnë sesi autori i të shtënave në darkën e Shoqatës së Korrespondentëve në Shtëpinë e Bardhë kaloi për vetëm katër sekonda përmes një postblloku sigurie dhe teksa vraponte qëlloi një efektiv. Videoja nuk përmban momentin kur sipas hetuesve, i dyshuari bie dhe arrestohet. 31 vjecari Cole Tomas Allen akuzohet për tentativë për vrasjen e presidentit Donald Trump, akuza këto ndaj të cilave ai nuk ka reaguar dhe ende nuk ka dhënë një përgjigje. Departamenti ka edhe pamjet që e tregojnë Allen duke “kontrolluar zonën” në hotel një ditë përpara darkës, kur ai supozohet të ketë bërë regjistrimin si i ftuar. Në mbrëmjen para galasë, ai shihet duke ecur në korridorin e Ëashington Hilton dhe duke hyrë në palestër. I akuzuari dyshohet se mbante një pistoletë gjysmë-automatike, një armë gjahu dhe tre thika, kur kaloi më vonë në katin mbi sallën e ballos ku po zhvillohej galaja e rëndësishme për gazetarët. Trump, Zëvendëspresidenti JD Vance, anëtarë të kabinetit dhe zyrtarë të tjerë të Shtëpisë së Bardhë u evakuuan menjëherë pas të shtënave. Videoja e re, e postuar të enjten në X nga Prokurorja e SHBA-së për Ëashington DC, Jeanine Pirro, duket se është një version më cilësor i klipit që Trump kishte shpërndarë më parë në rrjetet sociale pas incidentit të së shtunës. “Ajo që ndodhi mbrëmë është pikërisht arsyeja pse Ushtria jonë e madhe, Shërbimi Sekret, Zbatimi i Ligjit dhe, për arsye të ndryshme, çdo President gjatë 150 viteve të fundit, kanë kërkuar që të ndërtohet një sallë ballo e madhe, e sigurt dhe e mbrojtur në territorin e Shtëpisë së Bardhë”, deklaroi Trump pas ngjarjes.