Mbas shumë kërkesash për të lënë kafazin e xhamtë, ish presidenti Ilir Meta u dëgjua nga gjykata e apelit të posacëm. Gjyqtarja Saida Dollani e cila ka nën shqyrtim kërkesën e ish presidentit Meta për pezullimin e afateve të paraburgimit, pranoi kërkesën e tij për tu ulur në sallën e gjykatës me avokatin përkrah. Për këtë vendimarreje gjyqtarja Dollani mori si referencë konventat ndërkombëtare të të drejtave të njeriut dhe urdhëroi daljen e ish presidentit nga kafazi, një vendim që sic mëson TCH do të shrytëzohet nga mbrojtja edhe për betejat e tjera. Më e afërta ishte brenda ditës , dhe ishte caktuar në shkallën e parë të posacme në orën 15.30 , ku gjykata pritej të shqyrtonte kërkesën e ish presidentit që këmbëngul ndryshgim të masës nga arrest në burg në një një tjetër më të butë. Mbrojtja I konfirmoi TCH se përpara se në referim të vendimit të Dollanit që në gjykimin e drejtuar prej saj I tha po Ilir Metës dhe e nxorri nga kafazi, do ti kërkojë edhe shkallës së parë të njëjtën gjë. Por kërkesa e Bujar Mustës mbeti vetëm një ide , pasi trupa gjyqësësore e shkallës së parë nuk u paraqit dhe për këtë mungesë gjyqi u shty për të martën në orën 10. Pritet që e njëjta kërkesë ti depozitohet gjykatës edhe në themel ku Meta është I pandehur për korrupsion, pastrim parash dhe mos deklarim pasurie, proces që mbahet të enjten. Të gjitha këto lëvizje të ish-presidentit po ndodhin në kohën kur në muajin tetor plotësohen dy vjet nga arrestimi dhe teksa kundërshton pezullimin e afateve të paraburgosjes për cdo gjyq themeli të shtyrë, së shpejti me shumë mundësi do të pretendojë lirimin e menjëhershëm me arsyetimin se afatet kanë përfunduar