“Jemi nga zona e tërmetit, Kahramanmarash, dhe nuk kemi asnjë njoftim për fatin e familjeve tona atje. Donim të shkonim në Itali. Erdhëm këtej para fatkeqësisë që goditi vendin tonë.” Kanë tronditur 5 të rinjtë turq që u kapën në Durrës me pasaporta false bullgare. Të premten ata dhe shtetasi anglez Joshua Smith dolën para gjykatës së Durrësit, e cila vendosi të lirojë 5 shtetasit turq për të cilët caktoi masën “detyrim paraqitjeje” pranë policisë gjyqësore, ndërsa për shtetasin anglez vendosi garanci pasurore në vlerën e 2000 eurove për lirimin dhe hetimin në gjendje të lirë.