Të lodhshme e të merzitshme: me këto argumente, gjithmonë e më shumë njerëz po i shmangen lajmeve sipas të studimi të realizuar nga Instituti Reuters i Universitetit të Oksfordit. Pothuajse katër në 10 persona – 39 për qind - në gjithë botën, pohojnë se ndonjëherë u shmangen me qëllim lajmeve, në krahasim me 29 për qind që kjo kategori shënonte në 2017. Autorët e raportit dalin në përfundim se në dëshirën e njerëzve për t`i qëndruar larg lajemeve mund të kenë kontribuar lufta në Ukrainë dhe ajo në Lindje të Mesme. Lodhja nga lajmet e këqija ka bërë që injorimi i lajmeve tani të mbërrijë nivele rekorde. Një total prej 94.943 të rinjsh në 47 shtete në gjithë botën, janë pyetur prej organizatës YouGov në janar dhe shkurt për qëllime të raportit për lajmet këtë vit. Përfundimet e anketimit bëhen publike në kohën kur një numër i madh njerëzish në mbarë botën kanë votuar ose do të votojnë më 2024 për zgjedhje kombëtare dhe rajonale. Raporti thotë se zgjedhjet e kanë rritur interesimin për lajmet në disa vende, përfshirë Shtetet e Bashkuara, megjithatë, trendi në përgjithësi është negativ. Plaforma më e rëndësishme për lajme është ende Facebook-u, ndonëse po shënon rënie vit pas viti. YouTube dhe ËhatsApp janë platforma shumë të rëndësishme për lajme për një pjesë të audiencës, e TikTok-u është në rritje dhe e ka tejkaluar platformën X - të njohur më parë si Tëitter – për herë të parë.