Nuk eshte as ne fshat dhe as ne qytet, as ne rrethina apo vende te fshehura, por ne mes te rruges me te frekuentushme ne vend. Ne karburantin, ne vendin e quajtur Pushimi i Shoferit ne autostraden Lushnje –Fier, i cili ka qene jashte funskionit per disa vite policia zbuloi nje nga laboratoret me moderne te kultivimit te kanabisit ne vend. Sipas informacioneve te mara nga burime konfidenciale, policia e shtetit prej disa kohesh kishte rene ne gjurmet e nje grupi i cili merrej me kultivimin e bimeve narkotike. Pas mbledhjes se shume informatave te mara dhe fakteve te mbledhura mesditen e se premtes drejtoria e policise se qarkut Fier ne bashkepunim me sektorin e antidroges bene nderhyrjen ne kete objekt. Ne brendesi te tij u zbulua qe nje nga ambjentet ishte pershtatur si laborator me llamba qe sherbenin per temperaturen e bimeve narkotike, veshje me leter alumini kubik etj. Teknologjia e perdorur ne kete ambjent ishte e ngjashme me ate qe perdoret ne Britani. Prane kesaj ndertese ndodhej dhe nje kabine elektrike ku poseduesit e objektit merrnin energji elektrike me lidhje te paligjeshme. Ne vendngjarje policia ka arrestuar nje person qe deri tani identitetin e tij nuk e ben publike.