Presidenti kroat Zoran Milanoviç viziton Kosovën ditën e Krishtlindjeve dhe natën e festës do ta kalojë me pjesëtarët e ushtrisë kroate të dislokuar atje në kuadër të operacionit të KFOR-it. Milanovic i është përgjigjur menjëherë ftesës së Presidentes së Kosovës Vjosa Osmani, e gjatë vizitës zyrtare në Prishtinë në 24 dhjetor do të zhvillojë dhe një takim me të. Milanovic do të marrë pjesë edhe në takimin e delegacioneve të dy vendeve dhe do të takohet me kryeministrin Albin Kurti. Në ditën e dytë të qëndrimit në Kosovë, Presidenti i Republikës do të vizitojë ushtarët kroatë me të cilët do ta kalojë natën e Krishtlindjes. Në Kosovë ndodhet kontingjenti i 36-të kroat, me 141 pjesëtarë. Vizita në Kosovë do të jetë një mundësi që presidenti të takohet sërish personalisht dhe të bisedojë me ushtarët kroatë të cilët do të jenë larg familjeve të tyre gjatë festave të fundvitit, thuhet në njoftim. Axhenda e udhëtimit të tij përfshin dhe një ndalesë në Janjevë, ku jetojnë shumë anëtarë të pakicës kroate.