Në repartin “COVID-19” të Klinikës së Pediatrisë, gjashtë fëmijë janë duke marrë trajtim si pasojë e infektimit. Gjendja shëndetësore e tyre sipas drejtoreshës së klinikës është stabile. Moshat që po prekë varianti “Omicron” janë të ndryshme e brenda ditës së emergjencën e Pediatrisë po marrin shërbim rreth 20 fëmijë. Vetëm në 24 orët e fundit janë raportuar si të infektuar 189 fëmijë të moshave 0 deri në 9 vjeç dhe 724 të moshave 10 deri në 19. Përhapja në masë e virusit ka çuar edhe në ndërrimin e metodës së punës në shumë shkolla. Edona Maloku Bërdyna: Me skenarin B, pra që kombinon prezencën fizike dhe atë online i kemi pesë shkolla. Ndërsa, skenari C ose kalimi në mësimdhënie online është gjithsej 90 shkolla. Sipas të dhënave të Ministrisë së Arsimit janë 6687 nxënës të infektuar me COVID-19.