Top Channel/ Kohë tejet vendimtare! Arsyet pse Ukrainës po i shtohet trysnia në fushëbetejë e përtej
11/10/2024 19:49

Dimri po vjen, forcat ruse po çajnë përpara, dhe e ardhmja e mbështetjes nga përkrahësi më i fuqishëm i Kievit është e pasigurt, sepse Shtetet e Bashkuara janë buzë mbajtjes së zgjedhjeve presidenciale muajin e ardhshëm, ku gara është shumë e nxehtë. Ukraina është duke luftuar për mbijetese dhe sovranitet, prandaj çdo ditë, çdo javë, dhe madje çdo muaj është mbase vendimtar për fatin e vendit. Por, një grumbull faktorësh e bëjnë këtë kohë tejet vendimtare: Ukraina është duke u përballur me trysni në shumë fronte, për më tepër në vijën e vërtetë të frontit të luftës, i cili shtrihet përgjatë vendit, nga verilindja deri në jug. Trupat ruse janë duke carë përpara në rajonin lindor, të njohur si Donbas, ku e pushtuan qytetin e rëndësishëm Vuhledar javën e kaluar. Çfarë do të thotë për ushtrinë ukrainase rënia e Vuhledarit? Në prag të dimrit, bombardime e pareshtura ruse e kanë kufizuar dukshëm prodhimin e rrymës nga Ukraina, duke ngjallur frikë për një krizë energjetike. Këtë javë, madje edhe moti matanë gjysmës së botës duket se doli kundër Kievit: presidenti amerikan, Joe Biden, e anuloi një vizitë në Gjermani, pasi një uragan e goditi Floridën, duke e nxitur anulimin e një takimi të nivelit të lartë më 12 tetor të shteteve të mëdha perëndimore, që e furnizojnë Kievin me armë, me presidentin ukrainas Volodymyr Zelensky. Nuk është caktuar ndonjë datë e re për takimin e Grupit të Kontaktit për Mbrojtjen e Ukrainës, i cili do të ishte i pari ndonjëherë në nivelin e krerëve të shteteve. Me gjasë, ky do të kishte qenë takimi i fundit ballë për ballë midis Bidenit dhe Zelenskyt para zgjedhjeve në SHBA më 5 nëntor, rezultati i të cilave mund të ketë ndikim të madh në rrjedhën e luftës, e cila nuk është ndalur prej se Rusia e nisi pushtimin e plotë të Ukrainës në shkurt 2022. Takimi do të kishte qenë një mundësi për Zelenskyn t’ua paraqiste shteteve perëndimore “planin e tij të fitores” për luftën. Vizitë vendimtare e Zelenskyt në SHBA për “planin e fitores” Meqë planet për një takim të Grupit të Kontaktit janë pasigurta, Zelensky e nisi një turne nëpër Evropë duke paraqitur “planin e tij të fitores” për luftën në bisedime me liderët e Britanisë, Francës, Gjermanisë dhe vendeve të tjera. Në një vizitë në SHBA muajin e kaluar, ai e paraqiti planin para Bidenit si dhe kandidatëve rivalë presidencialë, ish-presidentin republikan Donald Trump dhe nënpresidenten demokrate Kamala Harris. Përgjigjja nuk ishte aq e fuqishme, dhe Zelensky u kthye në shtëpi pa një nga gjërat kryesore që Kievi kërkon: lejen për t’i përdorur raketat amerikane për t’i goditur caqet ushtarake thellë brenda Rusisë. Dita e zgjedhjeve Gara e ngushtë për Shtëpinë e Bardhë shton pasigurinë mbi mundësitë për të marrë lejen për ato armë, si dhe mbi furnizimet me armë nga SHBA-ja dhe politikën e SHBA-ja karshi Kievit dhe luftës. Një fitore e Harris shihet si e mundshme për të sjellë vazhdimësi, por nuk është e qartë nëse ajo mund të ndërmarrë hapa më të shpejtë ose më të mëdhenj për ta mbështetur Ukrainën. Trump ka thënë në mënyrë të përsëritur se do t’i jepte fund luftës shumë shpejt, gjë që ka shkaktuar shqetësime në Ukrainë se Kievi mund të detyrohet të bëjë lëshime të mëdha.

Top News – Çmimet e reja nga 1 janari 2027 / Ulen tarifat për pasaportat dhe kartat e identitetit
17/11 10:12
Top Channel/ Dyshohet se ngacmoi seksualisht një 17-vjeçare, procedohet penalisht mësuesi në Korçë
17/11 10:06
Top Channel/ Masa ‘detyrim paraqitje’, ish-drejtoresha e AKSH paraqitet në Spak
17/11 10:06
Top News – Procedohet mësuesi në Korçë. E mitura e denoncoi për ngacmim seksual në palestër
17/11 09:45
Top Channel/ Ulen tarifat e dokumenteve biometrike, ja sa do të paguajnë fëmijët, pensionistët dhe…
17/11 09:41
Top Channel/ Hidrovori i Vlorës me një pompë, investimi 157 milionë lekë ende pa u marrë në dorëzim
16/11 23:31
Top Channel/ Përmbytje në Lezhë, disa minuta reshtje krijuan probleme për banorët
16/11 23:23
Top Channel/ Ndërpritet projekti i Kushner në Serbi, nuk do të ndërtohet hoteli luksoz
16/11 23:21
Top Channel/ Reshjet shkaktojnë dëme në Kukës, dëmtohet një urë e përmbytet rruga e Hasajt
16/11 23:17
Top Channel/ Procesi për vrasjen e dy fëmijëve, s’ka gjykim të shkurtuar për Radaçin
16/11 23:15
Top Channel/ Shoferët në protestë në Durrës, kërkojnë zgjidhje për rregullin ‘Shengen’
16/11 23:07
Top Channel/ Përleshje fizike në bulevard, protesta humb qetësinë
16/11 23:05
Top Channel/ Rama nxjerr postimet e “rusit” në protestat e Tiranës: BE e sanksionoi
16/11 23:02
Top Channel/ Arkivat kërkojnë më shumë fonde, buxheti 2027 i pamjaftueshëm
16/11 22:21
Top News- OSBE takim me Gjiknurin e Bylykbashin/ Kërkohet përparim në reformën zgjedhore
16/11 22:00
Top News- Ndërron jetë shefi i Krimeve në Vlorë/ U përfshi në një aksident rrugor në autostradë
16/11 21:37
Top News- Vdes në aksident rrugor shefi i krimeve të rënda në Policinë e Vlorës
16/11 21:25
Top News- Tensione në protestë! Dita e 170-të, Policia shoqëron protestues
16/11 21:24
Top Channel/ Rreshjet e shiut në Lezhe shkaktuan grumbullim të ujit në disa rrugë
16/11 21:00
Top Channel/ Tensione në Bulevard, shoqërohen dy protestues, tentuan të çajnë kordonin policor
16/11 20:36