Mangësi në mbledhjen e të ardhurave, detyrime të papaguara, probleme në investimet publike dhe shkelje në zbatimin e kontratave. Këto janë disa nga problematikat kryesore të evidentuara nga Kontrolli i Lartë i Shtetit në raportin vjetor për vitin 2025, i prezantuar nga kreu i institucionit, Arben Shehu, në Komisionin për Ekonominë, Punësimin dhe Financat. Sipas Shehut nga 190 auditime të kryera për të cilat 8 u dërguan për ndjekje penale janë konstatuar pasaktësi në pasqyrat financiare, nivel i lartë debitorësh të paarkëtuar, vonesa në rimbursimin e TVSH-së, si dhe mangësi në monitorimin e kontratave publike. “Pasqyrat fiannciare vjetore transaksioent fiannciare nuk janë hartuar dhe dorëzuar me kërkesat ligjore ndërsa dhe gjatë kësaj periudhe raportuese vërehet mungesa e një kuadri të plotë rregullator për raportimin financiar në sektorin publik. Në një seri subjektesh janë konstatuar mangësi në afatet ligjore rakordimin dhe plotësin e pasqyrave fiannciare dhe problematika si keqklasfimi I I të ardhurave dhe shpenzimeve dhe regjistrimin e pasaktë të detyrimeve. Ka rezultuar nivel I lartë I debitorëve të paarkëtuar.” Një tjetër çështje e ngritur në Komision nga kreu I KLSH është dhe administrimi i të ardhurave tatimore. Kreu i KLSH-së evidentoi vonesa në kontrollet tatimore, pasaktësi në trajtimin e gjobave dhe raste kur mangësitë në administrimin e të dhënave kanë sjellë të ardhura të munguara në buxhetin e shtetit.