Një bursë e re aksionesh e fokusuar në sipërmarrjet e vogla e të mesme, është hapur sot në Pekin, si nxitje për rritjen ekonomike dhe financimet e tyre prej bankave. Rreth 80 kompani kineze nisën tregtimet në bursën e aksioneve të Pekinit, e cila pritet të plotësojë dy bursat kryesore të Shanghai e Shenzhen. Mediat vendase raportonin sot se vlera e aksioneve të reja u rrit me më shumë se 30 përqind. Autoritetet thonë se vlerat nuk do të lejohen të ulen ose ngrihen me më shumë se 30 përqind brenda një dite, edhe pse me herët është thënë se nuk do të ketë kufruizime. Sot 10 kompani të sapolistuara në bursë shkaktuan pezullime të përkohshme pasi vlera e tyre nisi luhatje të mëdha duke u rritur me më shumë se 60 përqind. Zhvilimi vjen pas hapjes në 2019 të një burse të stilit amerikan për kompanitë kineze te shkencës e teknologjisë, si pjesë e bursës së Shanghai. Bursa e Pekinit do të jetë një mundësi për rritjen e kapitalit për kompanitë e vogla e të mesme.