Kfori i kujtoi serbisë së nuk mund të afrohet më shumë se 1 mijë metra nga kufiri I kosovës. forcat ushtarake tw natos sqaruan se kjo ështe e nënshkruar në marrëveshjet egzistuese. kjo përpgjigje erdhi pas kërkesës së serbisë që kwrkonte tw dërgonte në veri të kosovës 1 mijë ushtarë serb. Forcat paqeruajtëse të udhëhequra nga NATO-ja në Kosovë, thanë se Forcat e Armatosura të Serbisë nuk kanë nevojë për autorizim nga KFOR-i që të lëvizin dhe stërviten në territorin e tyre, por duhet të kërkojnë leje për t'u afruar më shumë se një mijë metra nga kufiri me Kosovën. Serbia tha gjatë javës së ka vënë në "gjendje të gatishmërisë ushtarake” trupat e saj të sigurisë afër kufirit me Kosovën, me gjithë thirrjet e NATO-s dhe diplomatëve perëndimorë për uljen e tensioneve. Beogradi tha se veprimet e erdhën pas vendimit të Kosovës për të vendosur gjendjen e gatishmërisë ushtarake. “Sa u përket Forcave të Sigurisë së Kosovës, vendosja e tyre në veriun e Kosovës, sipas marrëveshjeve ekzistuese, kërkon pëlqimin paraprak të komandantit të KFOR-it”, theksohet në deklaratën e paqeruajtësve. KFOR-i tha se të gjitha palët i kanë respektuar gjithmonë marrëveshjet ekzistuese dhe bën thirrje që të vazhdojnë ta bëjnë këtë.