Italia po përballet me një shtim të rasteve me kancer, Pas periudhës së pandemisë, numri I personave të prekur nga sëmundjet kancerogjene ka ardhur duke u rritur. Nga 376.600 raste që ishin në vitin 2020, këtë vit llogariten rreth 395 mijë të diagnostikuar, pra rreth 18,400 raste më shumë. Të dhënat janë publikuara nga raporti i shoqatës italiane të Onkologjisë Mjekësore dhe i janë dorëzuar tashmë Institutit të lartë të Shëndetësisë. Rritje e numrit të të diagnostikuarëve, raporti i shoqatës italiane të Onkologjisë e lidh me neglizhencën e qytetarëve për t’u ekzaminuar. Kjo pasi në vititn 2022 pati një rënie me 3% në të gjithë Italinë të ekzaminimeve mjekësore. Sipas raportit, numri më i madh i të diagnostikuarve është me kancer gjiri ku numërohen 55.900 raste, ndjekur nga më pas nga kanceri i mushkërive ai i prostatës dhe fshikëzës. Ndërkohë vdekshmëria më e madhe është tek të prekurit nga kanceri i mushkrive me 80%. Bluzat e bardha në Itali parashikojnë një përkeqësim të shifrave në dy dekadat e ardhshme, ku mesatarisht çdo vit 1.3% e meshkujve dhe 0.6% e femrave rrezikojnë të preken nga këto sëmundje. Pamjet; AFP