Televizioni iranian shfaqte sot pamje të barkave luftarake të Gardës Revolucionare që ndiqnin ato që dukeshin si anije të flotës detare të SHBA. Televizioni shtetëror iranian nuk specifikoi se ku ndodhi incidenti, por tha: "Imazhet tregojnë forcën dhe kontrollin e flotës së Iranit përballe forcave të huaja në Gjirin Persik”. Flota e 5-të e SHBA ka bazën në Bahrein, por mohoi të ishte pjesë e incidentit. "Nuk ka pasur ndërveprime të pasigurta apo jo-profesionale ku është përfshirë marina e SHBA në 48 oët e fundit," tha komandanti Tim Hawkins. Në video, oficerët e gardës iraniane dëgjohen që thonë "Ndiqini", "Bëni foto" dhe më tej "Thirrini barkat tona të kthehen". Pamjet tregonin barkat që ndiqnin mjete detare, një prej të cilave mbante një flamur amerikan. Mjetet detare të Iranit dhe të SHBA janë përfshirë dhe më parë në incidente të tensionuara. Në prill 2020, marina e SHBA protestonte për "manovra të rrezikshme" nga Garda Revolusionare e Iranit që kishte lundruar tepër afër luftanijeve të saj në Gjirin Persik.