Ndërhyrja e NATO-s për fundin e mizorive serbe tregoi se bota nuk e harroi Kosovën: Në seancën solemne që Kuvendi i Kosovës mbajti në nder të 25-vjetorit të Ditës së Çlirimit të Kosovës, presidentja Vjosa Osmani e përshkroi lëvizjen e aleancës veri atlantike si një “triumf të së mirës ndaj të keqes dhe triumf të drejtësisë mbi shtypjen”. Më 12 qershor 1999, kur forcat e NATO-s shkelën në tokën tonë, ata nuk ishin vetëm ushtarë, ata ishin shpëtimtarë. Ata sollën me vete premtimin e lirisë, sigurinë se bota nuk na kishte harruar dhe vendosmërinë për t’i dhënë fund mizorive të kryera kundër popullit tonë. Hyrja e NATO-s në Kosovë ishte një dëshmi e fuqisë së solidaritetit ndërkombëtar dhe besimit të palëkundur në të drejtën universale të një populli për të qenë i lirë. Evropa lindi në një Prishtinë të lirë..