Bombat e telekomanduara ruse kanë goditur një ndërtesë shumëkatëshe banimi në Harkiv në orët e vona të 30 tetorit, duke e vrarë një fëmijë dhe duke i plagosur 29 njerëz të tjerë, thanë zyrtarët. Guvernatori i rajonit të Kharkivit, Oleh Synyehubov, tha se fëmija, 11 vjeç, ishte nxjerrë nga rrënojat me lëndime të rënda në kokë, por mjekët nuk ishin në gjendje ta shpëtonin. Më herët, kryetari i qytetit të Kharkivit, Ihor Terekhov, u shpreh se “kemi të dhëna për një bombë të telekomanduar ajrore që ka goditur një ndërtesë të lartë. Ka viktima”. Të dhënat paraprake tregojnë se ndërtesa e goditur ndodhet në distriktin Saltiv të qytetit. Ai konfirmoi se kati i katërt i ndërtesës u godit, duke shkaktuar zjarr. Pas shpërthimit, një pjesë e Kharkivit mbeti pa energji elektrike, ndërkohë që sot gjatë ditës trupat ruse kryen një sulm masiv me raketa në rajonin e Odesës.