Pas një beteje të gjatë me një sëmundje të rendë, është ndarë nga jeta ditën e djeshme bashkëshortja e mjekut të njohur Tritan Kalo. Lajmin e trishtë e ka dhënë vetë ai përmes një postimi në rrjetet sociale, teksa shkruan ndër të tjera se pati fatin të ndajë jetën me të. “Më 31 qershor ora 14:15 dhoma 517 në një spital të Kanadasë pushoj së rrahuri zëmra e ROZETA KALOS…. E mira, e urta, zemërbardha, e qeshura e shumëjetëdashura Rozeta Kalo, nuk do të mundet më fizikisht të jetë pjesë e të përditshmes në Familjen Kalo Jr, POR përjetësisht do të jetë e pranishme në mendjet dhe në zemrat tona….. Të tre yjet tona Besjana, Enkelejda dhe Genta Juna Kalo, patën mirësinë të rriteshin e edukoheshin nga një Nënë mjaft e dedikuar për familjen dhe për ecurinë mbrothësuese të saj….”, ka shkruar Kalo. Ndër të tjera doktori shprehet se ka patur fatin të lidhë jetën me një zemërbardhë, punëtore, familjedashëse dhe shpresësjedhëse si Rozeta Kalo. Ai ka shpërndarë disa foto në Facebook të cilat të cilat janë realizuar brenda një harku kohor prej 39 vitesh, që nga njohja e tyre, fejesa dhe deri në largimin nga jeta e gjysmës së tij më të mirë siç e quan doktori.