Zhytësit Gary Hunt e Rianan Iffland ruajtën kurorën e tyre të kampionëve sot në gjysmë finalet e hedhjeve në ujë nga lartësite ekstreme te ‘Red Bull World Series’. Finale e sivjetshme mbahen në fundjavë në bregdetin fantastik të Polignano a Mare ne Bari, teksa kushtet e ashpra të detit kanë reduktuar garën nga katër në tre raunde. Dy kampionët nuk u ndalën nga erërat e forta dhe valët e egra për të zgjatur mbretërimin në sportin e rrezikshëm. Më herët ata kishin kryer raundin e dytë të garës duke u hedhur direkt nga çatia dhe nga ballkoni i një rezidence private bregdetare. Polignano është një nga vendndodhjet turistike më të famshme të brigjeve të Barit me qytetin e ngritur mbi shkëmbinjtë e thepisur, si një humnerë mbi ujërat e kristaltë të Adriatikut. Iffland tha: "Gara e dytë do të jetë shumë e fortë. Nuk jemi mësua me kompeticionet njëra pas tjetrës. Unë në përgatitjen time kam tentuar t’i ndaj ato dhe të bëj sportin që bëj zakonisht. Kjo do të jetë qasja ime”.