Autoritetet në Seul planifikojnë të ndërtojnë bunkerin e parë civil të kryeqytetit të Koresë së Jugut të aftë të përballojë një sulm bërthamor nën një kompleks banesash publike deri në vitin 2028, tha një zyrtar i qeverisë së qytetit të hënën, për t'u mbrojtur nga kërcënimet që vijnë nga Veriu. Qeveria metropolitane dhe Korporata e Strehimit dhe Komuniteteve të Seulit po planifikojnë ndërtimimin e strehimit që do të mbante 999 familje, dhe që do t’i bënte ballë sulmeve bërthamore, biologjike ose kimike. Bunkeri do të shtrihet në një sipërfaqe prej 2,147 metrash katrorë, do të akomodojë deri në 1,020 persona në të njëjtën kohë dhe do të jetë i pajisur me gjithcka të nevojshme për të mbijetuar për të paktën 14 ditë. Gazeta Seul Shinmun, e cila raportoi e para për planin, tha se kjo ishte masa e parë e tillë nga një qeveri lokale përballë një kërcënimi të shtuar bërthamor nga Koreja e Veriut fqinje. Në një paradë masive ushtarake të premten, Koreja e Veriut shfaqi raketat e saj balistike më të fundit, të afta të mbajnë koka bërthamore, që mund të godasin objektiva në Korenë e Jugut ose deri në Shtetet e Bashkuara. Presidenti i Koresë së Jugut, Lee Jae Myung, ka thënë se rruga më realiste për të ulur rrezikun nga Veriu është të sigurohet një ngrirje të prodhimit të bombave dhe raketave bërthamore, por Pheniani ka refuzuar ofertat diplomatike.