Ish-presidenti rus Dmitry Medvedev tha të hënën se dërgimi i raketave amerikane Tomahaëk në Ukrainë mund të përfundojë keq për të gjithë, veçanërisht për Presidentin amerikan Donald Trump. Medvedev, një zë i ashpër i Kremlinit që e ka ngacmuar vazhdimisht Trumpin në mediat sociale, tha se është e pamundur të bëhet dallimi mes raketave Tomahaëk që mbajnë koka bërthamore dhe atyre konvencionale pasi ato të lëshohen, një pikë që edhe zëdhënësi i Presidentit Vladimir Putin, Dmitry Peskov e ka nënvizuar më herët. "Si duhet të përgjigjet Rusia? Pikërisht kjo është cështja!" tha Medvedev në Telegram, duke lënë të kuptohej se përgjigja e Moskës mund të ishte edhe bërthamore. Trump tha përsëri të dielën se ai mund ti japë raketa Tomahaëk me rreze të gjatë veprimi Ukrainës, nëse Putini nuk i jep fund luftës. "Po, mund t'i them Putinit, se nëse lufta nuk përfundon, ne mund ta bëjmë këtë", tha Trump. "Mund të mos e bëjmë, por edhe mund ta bëjmë... A duan ata që Tomahaëk-ët të lëshohen drejt tyre? Nuk mendoj kështu". Ndërkohë, medvedev shkroi: "Mund të shpresojmë vetëm që ky të jetë një tjetër kërcënim bosh... Si dërgimi i nëndetëseve bërthamore më afër Rusisë."