56 vjecari Ardian Muka , i cili ishte emigrant në Greqi provoi të bëhej gjobëvënës , por nuk I eci. U tradhëtua në letrën kërcënuese përmes të cilës kërkoi 300 mijë euro, nga dialekti si si kishte vendosur kushtet ndaj kushëririt të tij, që ndërkohë ka biznes në Itali. Mbasi kanë studiuar letrën e gjobëvënies agjentët e komisariatit numër 7 në Tiranë u bindën se bëhej fjalë për një banor të zonës së Gërdecit, mes të tjerash sepse ai njihte shumë mirë elementë të fshatit . ‘ 300 mijë eurot lidhini në një qese dhe vendosi tek depozita e gazit mbas shtëpisë, pastaj do ju shkruaj unë se ku do ti vendosni sërisht” shkruante I dyshuari Muka , në letrën e mbyllur në zarf ku kishte lënë si shenjë paralajmëruese edhe një plumb. Tashmë I arrestuar për akuzën e shtrëngimit me anë të kanosjes dhe mbajtje municionesj, Muka pranoi se ishte ai kanosësi, I cili sic rezulton nga burime të sigurta të TCH , kishte lënë të njëjtën letër gjobëvënëse në derën e kushërinjve të tij edhe vitin e kaluar. Por të afërmit e tij kishin vendosur ta kalonin në heshtje episodin e parë dhe kanë pritur me ankth se cfarë do ndodhte me ta, megjithëse rezulton se të gjobiturit jetonin në Itali dhe zotërojnë një biznes ndërtimi. Në dijeni të plotë edhe të disa konflikteve të tjera ekonomike, 56 vjecari dyshohet se shfrytëzoi sërisht pushimet verore në vendin e tij dhe përpiloi letrën që për të fshehur gjurmët e shkroi me gërma kapitale. Mes shumë gabimeve gramatikore I dyshuari la gjurmë për agjentët e komisariatit të Vorës që teksa kërkonin autorin ndëkohë ishin të alarmuar nga një kërcënim tjetër I tij. ‘ Ai përmendëte se do vendoste exploziv në banesë dhe kjo ishte dërgoi në vendngjarje edhe hetues të krimeve të rënda” tha për TCH në kushtet e anonimitetit një burim policor, sipas të cilit ishte vetë autori që me gabimet në letër ndihmoi padashje në zbulimin e tij