“Një filxhan kafe dhe këpucë të reja veshur” triumfoi në edicionin e 14-të të Festivalit Kombëtar të Filmit. Filmi i Gentian Koçit rrëfen historinë e dy vëllezërve që zbulojnë se, për shkak të një sëmundjeje të rrallë gjenetike, do të verbohen në mënyrë të pakthyeshme. Atyre u duhet të marrin një vendim të vështirë duke pirë një filxhan kafe, të veshur me këpucë të reja. Julia vlerësoi me çmimin aktori më i mirë Blerim Destanin, që nuk ishte i pranishëm në Festival, ndërsa Adriana Matoshi u zgjodh aktorja më e mirë. Për Filmin më të mirë të karrierës u vlerësua regjisori Gjergj Xhuvani, për Liqeni im, që ishte prodhimi i fundit kinematografik i realizuar prej tij para ndarjes nga jeta. Filmi që tregon historinë e Kristos, që kthehet në një kontrabandues marijuane për shkak të vështirësive ekonomike të familjes mori një numër të lartë çmimesh në festival. “Dritë” nga Yllka Gjollesha dhe Suela Bako, që i kushtohet jetës dhe veprimtarisë së fotografit John Milli, u zgjodh dokumentari më i mirë, ndërsa Kampion i Ermir Ketës filmi më i mirë me metrazh të shkurtër. Krahas jurisë, u ndanë 15 çmime nga Akademia, ndërsa 5 të tjera nga publiku. Në praninë e orkestrës së RTSh që risolli kolonat zanore të filmave më të dashur, u ndëruar artistët që i dhanë dritë kinemasë shqiptare dhe që sot nuk janë më pranë nesh. Një moment i veçantë ishte Çmimi i Karrierës për Tinka Kurtin, që u bë pjesë e natës finale të festivalit dhe ngriti në këmbë publiku që duartrokiti për disa minuta.