Qindra emigrantë nga Amerika qendrore, duke përfshirë gra e fëmijë, mbërritën sot në qytezën e largët guatemalase El Cibo, në kufi me Meksikën. Ata u deportuan nga SHBA në Meksikë dhe më pas u dërguan me autobuzë në Guatemala. Cibo është një qyteze me disa qindra banesa druri e betoni, rreth 600 km në veri të kryeqytetit. Shumë prej emigrantëve nuk u ishte thënë se ku po dërgoheshin. Presidenti amerikan Joe Biden është nën presion për të ulur numrin e kalimeve ilegale kufitare. Zyrtarët kufitarë të SHBA kanë dëbuar rreth 1,276,000 emigrante ilegale që prej tetorit 2020. Këtë muaj administrata Biden nisi të kryejë fluturimeve deportimesh në Guatemala, sipas politikave të largimeve të shpejta për disa nga të ardhurit nga Meksika.