Identifikohet 38 vjecari që u gjet sot i pajetë buzë lumit Shkumbin në Peqin. Viktima e vrarë me armë zjarri është Alban Semaku, banues në Lushnjë, i cili deri në vitin 2011 mbante emrin Elton Mermali. Ai ishte ekstraduar nga Italia në vitin 2006 për një vrasje të kryer në Lushnje si pjesë e krimit të organizuar. Pjesëtar i bandës së lushnjes i mbiqujtuar edhe si Elton “kinezi” është arrestuar sërish në vitin 2015 për tentativë vrasje dhe ka dalë nga burgu i Peqinit në maj të këtij viti. Ndërsa policia bën me dije vetëm gjeneralitetet e tij, nuk dihet ende se kush e ka ekzektuar anëtarin e bandës së Lushnjes.