Me duart e mbështetura në fytyrë, e dukshëm i përfshirë nga emocionet, njëri nga konkurentët e një gare mjaft të vecantë në Turqi, u perpoq te jepte maksimumin e tij e të bindte jurinë e konkursit vjetor për zërin me melodioz fetar në vend, se e meritonte kalimin ne fazen tjeter. "Allahu akbar" , Zoti është i madh, këndoi ai me një zë të ngadaltë, ndërsa vargjet jehonin mes mureve në ngjyrë të artë të zbehtë të xhamisë madhështore Eski Camii në qytetin e Edrenesë. E stolisur me një kaligrafi mahnitëse arabe dhe e përfunduar në 1414-tën, kur qyteti veriperëndimor ishte kryeqendra e Perandorisë Osmane, kjo xhami mikpriti raundin e fundit të konkursit, në të cilin pesë muezinë –apo klerikët që këndojnë ezanin-- garuan për një vend në finale e 17 gushtit. Kam filluar të këndoj në moshën 10-vjeçare, gjatë shkollës verore në xhami. Kujdesem shumë, shmang të ftohtin, pij vetëm ujë të vakët, madje zgjedh edhe pozicione të caktuara gjumi për të mos i tendosur kordat e zërit.