Besimtarët muslimanë në Herat merrnin pjesë sot në të premten e parë të lutjeve pas ardhjes në pushtet të talibanëve në Afganistan. Grupi militant i njohur si terrorist nga Perëndimi, është përpjekur të paraqesë në front të ri të moderuar në krahasim me pushtetin e ushtruar 20 vjet më parë. Por dëshmi të shumta tregojnë për vijim të metodave të dhunshme të zbatimit të rregullit sipas ligjeve islamike të Sheriatit. Sot në ditën e pavarësisë së Afganistanit, shihej që militantët rrihnin njerëz që mbanin flamurin kombëtar dhe kishte raportime për ekzekutime në provincën Gazni. Në një video te publikuar një luftëtar taliban sulmonte me qytën e automatikut një afgan që mbante flamur kombëtar për Ditën e Pavarsisë. Në një dokument të OKB që doli sot në media, thuhej se udhëheqësit e rinj po kërcënojnë të vrasin ose arrestojnë anëtarët e familjeve të zyrtarëve që nuk dorëzohen te talibanët.