Kur pritet që të martën të zhvllohet raundi tjetër I dialogut mes Prishtinës dhe beogradit, presidenti serb, Aleksandër Vuçiç njoftoi se Serbia do të ndryshojë qasje në dialogun me Kosovën. Ai hodhi akuza edhe në drejtim të komunitetit ndërkombëtar me argumentin se ka gënjyer për çështjen e kërkesës së anëtarësimit të Kosovës në Këshillin e Europës. “Unë do të shpjegoj se si na mashtruan, ku dhe si na kanë gënjyer disa të ashtuquajtur miq, e shumë të tjerë, dhe kjo ka të bëjë me anëtarësimin e Kosovës në Këshillin e Evropës (KE)”, tha Vuçiç. AI shtoi më tej se përmes këtyre veprimeve po bëhen përpjekje për ta shtyrë popullin serb sa më larg Kosovës. “Jemi gjithmonë të gatshëm të dialogojmë, por tani me një qasje tjetër. Ne nuk jemi më budallenj”, nënvizoi ai. Qëndrime këto që pritet të ndikojnë tek të dyja palët për të zbatuar marrëveshjen e arritur në vititn 2023 për normalizimin e marrëdhënieve mes dy vendeve, dhe që Serbia të mos pengojë anëtarësimin e Kosovës në organziatat ndërkombëtare. Prishtina zyrtare pret që të bëhet pjesë e KE pas aprovimit të tranferimit të 24 hektarëve tokë në emerë të manastirit të Deçanit. Sipas Kurtit, zbatimi I këtij vendimi të dhënë nga gjykata kushteteuse, do të jetë vendimtar për pranimin në KE. Aplikim të cilin Kosova e ka bërë dy vite më parë. Në rast se Kosova merr dritën jeshile në Asamblenë Parlamentare, atëherë fjalën e fundit duhet ta japë Komiteti i Ministrave të Këshillit të Evropës në muajin maj.