Qeveria greke shpalli një paketë masash të reja për të luftuar dhunën brenda dhe jashtë ambineteve sportive. Të gjitha ndeshjet për dy muajit në vijim do të zhvillohen pa tifozë, ndërsa klubeve u është lënë për detyrë që të instalojnë sisteme të identifikimit elektronik në stadium. Pesë ditë pas incidenteve të dhunshme mes tifozëve dhe forcave të policisë në Athinë ,gjatë të cilave mbeti i plagosur rëndë një efektiv i policisë, qeveria greke ka shpallur masa të reja edhe më të rrepta për të luftuar dhunën brenda dhe jashtë stadiumeve dhe ambienteve sportive . Konkretisht është vendosur që të gjitha ndeshjet e Superligës 1dhe 2 do të zhvillohen pa tifozë ,me dyer të mbyllura, për dy muaj dhe nëse është e nevojshme edhe ndeshjet europiane. Masat në fjalë mund të zgjatet përtej 12 shkurtit, nëse skuadrat dështojnë deri në atë datë të instalojnë kamerat dhe sistemet e identifikimit elektronik për hyrjen e tifozëve të tyre në stadiume. Gjithashtu automatike do të jenë edhe dënimet ndaj ekipeve në rastet e incidenteve të dhunshme përtej atyre të parashikuara nga drejtësia.