Donald Trump u shpall fajtor për 34 akuzat që rëndonin mbi të. Pasi dëgjuan për 16 ditë dëshmitë e 24 dëshmitarëve dhe për disa orë të tjera argumentat mbyllëse të palëve, Juria e përbërë nga shtatë burra dhe pesë gra, mori vendimin të enjten. Trump u shpall fajtor për falsifikim të dhënash për të fshehur rimbursimet për ish-avokatin e tij Michael Cohen, i cili i pati paguar aktores së filmave për të rritur Stormy Daniels 130 mijë dollarë në javët e fundit të fushatës elektorale të vitit 2016, me qëllimin që ajo të mos bënte publike pretendimet e saj për një marrëdhënie intime me Trump të një dekade më parë. Avokatët e Trumpit deklaruan se do ta apelojnë vendimin ndërsa këmbëngulën se nuk ka ekzistuar kurrë një marrëdhënie e tillë mes tij dhe Daniels. Që ai të shpallej fajtor u desh që me këtë gjë të 12 anëtarët e jurisë të pajtoheshin përtej dyshimit të arsyeshëm. Trumpi tani është kandidati i parë i një partie të madhe në vend që kandidon për president të SHBA-së si një person që ka kryer shkelje penale, ndërsa rrezikon maksimumi 4 vite burg, ose një dënim më lehtë me kusht dhe një gjobë. Ai me shumë gjasë do ta apelojë një vendim të tillë. Pamjet: AFP