Me probleme të shumta teknike ka vazhduar edhe dita e dytë e numërimit të votave për deputetë në Qendrën Komunale të Numërimit në Prishtinë. Deri në mesditë, sistemi i Komisionit Qendror të Zgjedhjeve për procesimin e të dhënave nga numërimi ishte jashtë funksioni. Nga nisja e numërimit deri pasditen e së mërkurës në QKN-në në Prishtinë u numëruan vetëm 15 kuti votimi nga 258 sa janë në total. Komisioni Qendror i Zgjedhjeve thotë se po punohet për të tejkaluar këto probleme. Derisa, ky institucion ka ftuar edhe Prokurorinë e Shtetit dhe institucioneve tjera të sigurisë për ta sqaruar situatën dhe për mbështetje teknike Komisioni Qendror i Zgjedhjeve ka bërë të gjitha përpjekjet në mënyrë që këto probleme që janë evidentuar gjatë kësaj kohe të tejkalohen KQZ-ja, shton se me numërim dhe verifikim do të përditësohen të gjitha të dhënat pas mospërputhjeve të votave me pjesëmarrjen e qytetarëve në zgjedhje. Lidhur me rezultatet preliminare të subjekteve politike dhe të pjesëmarrjes, që gjatë këtyre ditëve janë evidentuar pasaktësi, KQZ njofton se janë duke ndërmarrë të gjitha veprimet për të bërë përmirësimet e nevojshme dhe publiku do të njoftohet me kohë Të mërkurën në orën 16:00 ka nisur procesi i numërimit edhe në 14 komuna të tjera. Në Qendrat Komunale të Numërimit në Komunat: Deçan, Gjakovë, Gllogoc, Gjilan, Fushë Kosovë, Kamenicë, Mitrovicë e Jugut, Skenderaj, Shtërpcë, Viti, Ranillug, Kllokot dhe Mitrovicë e Veriut, kurse në orën 13:00ka filluar numërimi në Hanin e Elezit” Pas numërimit të votave për kandidatët për deputetë, do të fillojë numërimi i votave nga jashtë, ato me kusht dhe të personave me nevoja të veçanta. Në zgjedhjet parlamentare të nëntë shkurtit votuan 40.59% e qytetarëve me të drejtë vote.