14 shtatori do të jetë dita e takimit të radhës mes kryeministrit të Kosovës Albin Kurti dhe presidentit serb, Aleksandër Vuçiç. Data u njoftua nga përfaqësuesi I lartë I BE-së për politikën e jashtme, Josep Borrell gjatë një Konference për shtyp të mbajtur në Spanjë, raporton Radio Europa e Lirë. Takimi I fundit mes dy liderëve ishte më 2 maij – nëntë ditë pas zgjedhjeve të jashtëzakonshme në komunat veriore me shumicë serbe në Kosovë. Zgjedhje që nxitën tensione mes dy vendeve pasi popullata lokale me shumicë serbe I bojkotoi ato. Gjatë këtyre ditëve, I dërguari I posaçëm I BE, Miroslav Lajçak zhvilloi takime me kryeministrin Albin Kurti dhe më pas presidentin e Serbisë Aleksandër Vuçiç ku kërkoi rinisjen e dialogut mes dy vendeve për shtensionimin e situtuatës në veri. Kërkesë që u përsërit më 30 gusht dhe nga BE. Tensionet në veri të Kosovës nisën në fund të majit, kur kryetarët e rinj shqiptarë hynë në ndërtesat komunale me asistimin e Policisë së Kosovës. Që atëherë, BE-ja dhe Shtetet e Bashkuara kanë kërkuar nga Kosova dhe Serbia t’i kthehen dialogut. Për shkak të mos përmbushjes së kërkesave të BE-së, blloku evropian ka vendosur disa masa ndëshkuese ndaj Kosovës. Pamjet: AFP