Top Channel/ BE paralajmëron sanksione të tjera për Rusinë: Po mbledhim edhe prova për krime lufte

Presidenti i Këshillit Evropian Charles Michel paralajmëroi të dielën se do të ketë sanksione të reja kundër Rusisë, pas publikimit të imazheve tronditëse të civilëve të vrarë në qytetin Bucha, në veriperëndim të Kievi. “I tronditur nga imazhet, mizori të kryera nga ushtria ruse në rajonin e çliruar të Kievit . BE-ja po ndihmon Ukrainën dhe OJQ-të në mbledhjen e provave të nevojshme për ndjekje të çështjes në gjykatat ndërkombëtare. Sanksionet dhe mbështetja e mëtejshme e BE-së do të vijnë shumë shpejt ” Ndërkohë edhe organizata Human Rights Watch tha se ka dokumentuar disa raste ku ushtria ruse ka kryer shkelje të ligjit të luftës kundër civilëve në zonat e okupuara të Çernihivit, Kharkivit dhe rajonit të Kievit në Ukrainë.