Një skenar I mundshëm trazirash në Maqedoninë e Veriut është paralajmëruar nga partia Bashkimi Demokratik për Integrim pas zgjedhjeve parlamentare që do të mbahen më 8 Maj. Përmes një deklarate për mediat BDI që drejtohet nga Ali Ahmeti dhe është pjesë e koaliconi qeverisës tha se opozita shqiptare dhe ajo maqedonase kanë për bazë një skenar rus të koordinuar, ndërsa kërkoi prej tyre që t’I ndalojnë fyerjet në drejtim të kandidatit të saj për president Bujar Osmani. “Të koordinuar bashkë me VMRO-DPMNE-në e Mickoskit dhe LEVICËN e Apasievit, si dhe në mungesë të Programit zgjedhor, koalicioni VLEN ka përforcuar shpifjet ndaj Bujar Osmanit dhe Talat Xhaferit, ndërsa nuk po i kursejnë edhe familjarët e zyrtarëve, gjë që po shqetëson edhe qytetarët, por është njoftuar edhe faktori ndërkombëtar në vend.”, thuhet në deklaratë. Ndërkohë kryeministri I qeverisë teknike, Talat Xhaferi tha se edhe pse nuk ka të dhëna mbi tensione të mundshme pas zgjedhjeve, autoritetet janë në gatishmëri. Ndërkohë kandidati I opozitës së bashkuar shqiptare për president Arben Taravari I quajti “hipokrizi” qëndrimet e BDI-së. Zgjedhjet presidencial në Maqedoninë e Veriut do të mbahen më 24 prill ndërsa më 8 prill zato parlamentare së bashku me rrethin e dytë të presidencialeve. Pamjet: AFP