Kondori, Mbreti I Andeve, tashmë po mbrohet edhe në Kolumbi dhe nuk po sulmohen më si më parë. Ky zog I madh që tashmë rrezikon zhdukjen ka ndërgjegjësuar banorët e fshatrave kolumbianë të cilët tashmë kanë zgjedhur të bëjnë paqe dhe ti ushqejnë ata, "Është një zog që kur e sheh duke fluturuar, ndihesh kaq bukur," i thotë AFP Diana Bautista, një banore e malit Almorzadero, në komunën Cerrito. Por kondori nuk shihej gjithmonë në mënyrë miqësore në rajon. Disa vite më parë, banorët përdorën kërma të helmuara dhe armët për t’i hequr qafe këta zogj që konsideroheshin një kërcënim për bagëtinë e tyre. Sot fermerët u ndërgjegjësuan për rëndësinë e ruajtjes së një prej shpendëve më të mëdhenj në botë, i cili gjithashtu rrezikon të zhduket. “Mos i besoni të këqijave” që thuhen për kondorin, shprehet Bautista, duke aluduar në thashethemet për sulme të supozuara ndaj bagëtive. Rreth njëzet familje gjetën një alternativë ndaj konfliktit të vjetër: ndërtojnë vathë dhensh për të mbrojtur kafshët dhe platforma në male ku ushqejnë kondorët me lloje të ndryshme kërmash. Zogu me një jakë të bardhë dhe krahë të pamasë që arrijnë tre metra, fluturon mbi male dhe është protagonisti i pikturave murale të qytetit.