Qytetarë nga zona të ndryshme të Tiranës ankohen për cilësinë e ujit, e shqetësohen për sasinë e tepërt të klorit dhe aromën që mban. Top Channel u interesua pranë laboratorit të UKT për problematikën, të cilët sqaruan se nuk ka vend për panik pasi parametrat e klorit në rrjetin shpërndarës, janë në nivelet e përcaktuara nga Ministria e Shëndetësisë, nga 0,3 deri në 0,5 miligramë për litër. “Analizimi për klorin e lirë mbetës si dhe dozimi klorit në të gjitha depot e stacionet tona të pompimit nuk bëhët manualisht në mënyrë që të themi që është dozuar pak apo më shumë por bëhët me dozator automatic kështu që ajo ngjyra e bardhë zakonisht qytetarët e ngatërrojnë me presionin që duket si turbullirë, por që në fakt është thjesht presioni I ujit në atë moment. Për pjesën e aromës, kjo lidhet pak me pjesën e depozitave sepse pastrami I tyre duhet të bëhet sipas protokollit 2-3 herë në vit dhe ka palate që nuk e kryejn fare pastrimin e depozitave”. Për të kaluar nga burimi, tek depot grumbulluese e deri tek cezmat e banesave në kryeqytet, uji i pijshëm duhet të kalojë nëpër disa filtra në mënyrë që të arrihen parametrat e duhur që të jetë i sigurt për qytetarët. Momentalisht në rrjetin e Tiranës kontrollet për ujin kryhen në 16 pika nga 37 të tilla.